ස්ථාන 8 ක බෝම්බ ප්‍රහාර ජීවිත හානි රැසක්

https://www.cybersrilanka.com/wp-content/uploads/2019/04/kocchikade.jpg

10 pm
පිපිරුම්  සඳහා  පුපුරණ ද්‍රව්‍ය  ප‍්‍රවාහනය කළ බව කියන  වෑන් රථයක් හා මෝටර් රථයක්  දෙමටගොඩ දී හා වැල්ලවත්තේ දී අත්අඩංගුවට ගෙන තිබේ.
වැල්ලවත්ත රාමක්‍රිෂ්ණ පාරේ වෑන් රථය අත්අඩංගුවට ගෙන ඇත්තේ  එහි රියදුරු ද සමගය.
මෝටර් රථය අද පිපිරීම සිදු වූ මහල් නිවස ඉදිරිපිට නවතා තිබීයදී පොලිසිය අත්අඩංගුවට ගෙන තිබූ අතර එහි ෂැන්ග්‍රිලා හෝටලයෙන්  මිල දී ගත් වතුර බෝතලයක් ද  තිබී ඇත.
9 pm
අද දින සිදුවූ ප්‍රහාර සඳහා පැමිණි සැකකරුවන් කිහිප දෙනෙකු තාවකාලිකව නැවතී සිටි බවට සැක නිවසක් පානදුරදී පොලීසිය සොයාගෙන තිබේ. පානදුර සරික්කල මුල්ල ප්‍රදේශයේ නිවසක මෙසේ තාවකාලිකව නැවතී සිට තිබේ. මෙම නිවසේ තිබී මරාගෙන මැරෙන ඇඳුම් කට්ටලයක්ද තිබී ඇතැයි තොරතුරු වාර්තා වෙයි.
8 pm

6 pm
මේ වනවිට කොළඹ හා තදාසන්න මාර්ග ජන ශූන්‍ය වී ඇත. සුපිරි වෙළෙඳ සල් ඇතුළු සියලු කඩසාප්පු වසා දමා ඇත.
අද ඇතිවූ සිද්ධි වලින් අනතුරුව ආර්ක්ෂාව සඳහා පියවරක් ලෙස දිවයින පුරා මේ වනවිට පනවා ඇති පොලිස් ඇඳිරිනීතිය නැවත දැනුම්දෙනතුරු ක්‍රියාත්මකය .
මින් ඉහත සවස 6 සිට හෙට උදේ 6 දක්වා ඇඳිරිනිතිය පනවන බව
දැනුම් දුන්නද එය වෙනස් කර සවස 3 පමණ සිට ඇඳිරි නීතිය ආරම්භ විය.

අද දිනයේ දිවයිනේ ස්ථාන 08ක සිදුවූ පිපිරවීම් අතරින් බහුතරයක් මරාගෙන මැරෙන බෝම්බ ප්‍රහාර බවට හඳුනාගෙන ඇතැයි ආරක්ෂක රාජ්‍ය අමාත්‍ය රුවන් විජේවර්ධන මහතා ප්‍රකාශ කර තිබේ.

මේ අතර පොලිස් මාධ්‍ය ප්‍රකාශකවරයා සඳහන් කළේ මෙම පිපිරීම් නිසා මියගිය සංඛ්‍යාව 207ක් දක්වා ඉහළ ගොස් ඇති බවයි. එසේම තුවාලකරුවන් 450කට ආසන්න ප්‍රමාණයක් සිටින බව ද පොලිස් මාධ්‍ය ප්‍රකාශක රුවන් ගුණසේකර මහතා සඳහන් කළේය.

සියලු තොරතුරු දැනගැනීමට විශේෂ දුරකථන අංකයක් හඳුන්වාදී ඇති අතර එම දුරකථන අංකය වන්නේ
0112322485 යි .
විදේශකයින් සම්බන්ධ තොරතුරු දැනගැනීමට විශේෂ දුරකථන අංකය වන්නේ 0112323015 යි.

 3pm
දහවල් 1.45 ට පමණ දෙහිවල ට්‍රොපිකල් ඉන් හෝටලය තුළ සිදුවූ පිපිරීමකින් 2 නෙකු මියගොස් තිබේ.
දෙමටගොඩ ප්‍රදේශයේ සෝදිසි මෙහෙයුමක් අතරවාරයේදී සිදුවූ පිපිරීමක් හේතුවෙන් පොලිස් නිලධාරින් තිදෙනෙක් මියගොස් තිබෙනවා. එම ප්‍රදේශයේ මහවිල උද්‍යාන මාවතේ නිවසක සිදුවූ පිපිරීමකින් පසුව පොලිසිය සහ පොලිස් විශේෂ කාර්ය බලකායේ නිලධාරීන් එක්ව සෝදිසි මෙහෙයුමක් දියත් කරනු ලැබුවා.
එම සෝදිසි මෙහෙයුම අතර වාරයේදී පොලිස් නිලධාරීන් පිරිසක් නිවසක් සෝදිසි කිරීමට යාමේදී එම නිවස තුල සිදුවූ පිපිරීමකින් පොලිස් නිලධාරීන් තිදෙනෙක් මියගොස් ඇති බවයි වාර්තා විය.
මෙහිදී සැකකරුවන් 2 නකු අත්අඩංගුවට ගෙන ඇත. ඔවුන් මෙම ප්‍රහාර සඳහා සම්බන්ධ අයදැයි පරීක්ෂණ පැවැත්වේ.
1pm

අද පෙරවරුවේ කොළඹ ප්‍රධාන පෙලේ හෝටල් 03 කට එල්ල වූ බෝම්බ ප්‍රහාර හේතුවෙන් විදෙස් ජාතිකයන් 09 දෙනෙකු මියගොස් ඇති බව වාර්තා වේ.

සියලු මගී ප්‍රවාහන පෞද්ගලික බස් රථවල ද පාර්සල් ප්‍රවාහනය තාවකාලිකව නවතා දමා ඇතැයි ලංකා පෞද්ගලික බස්රථ හිමියන්ගේ සංගමයේ සභාපති ගැමුණු විජේරත්න මහතා පවසයි. දුම්රිය පාර්සල් බාරගැනීම ද නවතා ඇතැයි දුම්රිය සාමාන්‍යාධිකාරී ඩිලන්ත ප්‍රනාන්දු මහතා පවසයි.

12pm

ස්ථාන කිහිපයක අද ඇතිවූ පිපිරීම් හේතුවෙන් හෙට (22) සහ අනිද්දා (23) දෙදින දිවයිනේ සියලුම පාසල් වසා දැමීමට අධ්‍යාපන අමාත්‍යංශය තීරණය තර ඇත.

සූපවේදිනි ශාන්තා මායාදුන්නේ මහත්මිය සහ ඇගේ වැඩිමහල් දියණිය අද (21) පෙරවරුවේ සිදුවූ පිපිරීමකට හසුව ජිවිතක්ෂයට පත්ව තිබෙනවා.මේ වන විට පිපිරීම් නිසා ජිවිතක්ෂයට පත්ව ඇති සම්පුර්ණ ගණන 150කට අධිකයි.තුවාල ලබා ඇති පිරිස 500කට අධික වනවා.

දිවයිනේ කතෝලික දේවස්ථාන 3 ක අද උදෑසන සිදු වූ පිපිරීම් හේතුවෙන් අද සවස දිවයින පුරා ඇති කතෝලික දේවස්ථාන වල පැවැත්වීමට නියමිතව තිබු පස්වරුවේ පාස්කු දේව මෙහෙයන් අවලංගු කිරීමට කොළඹ අදරදගුරු නිවෙස්නය තීරණය කොට තිබෙනවා.

මේ පිළිබඳව නිල වශයෙන් දැනුම් දෙමින් එහි ප්‍රකාශකයෙකු සඳහන් කළේ දේවස්ථාන වෙත නොගොස් සිය නිවසට වී කාලය ගත කරන ලෙස සියළු දෙනා ගෙන් අදරදගුරු නිවෙස්නය ඉල්ලා සිටින බවයි.
 11 am

දිවයින පුරා සිදුව ඇති පිපිරීම්වලින් මිය සංඛ්‍යාව මේ වන විට 52 දක්වා ඉහල ගොස් තිබේ.ඒ අනුව තුවාලකරුවන්ගේ සංඛ්‍යාව 280 දක්වා ඉහල ගොස් ඇත

10.30
අද උදෑසන ස්ථාන 6 ක සිදුවූ බෝම්බ ප්‍රහාර හේතුවෙන් තුවාල ලද පිරිස 200 කට ආසන්න වන අතර මියගිය ගණන 20-25 පමණ වෙතැයි නිල නොවන වාර්තා සඳහන් කර තිබේ.
සිද්ධිය ගැන මේ වනවිට ජාත්‍යන්තර මාධ්‍ය පවා වාර්තා පළ කර තිබේ.
මෙය කතෝලික පිරිස් ඉලක්ක කර සිදුවූ අයිඑස් ත්‍රස්ත පුහාරයක් වියහැකි බවටද වාර්තා පළව තිබේ.

10.09
කොළඹ කිංස්බරි හෝටලයේද පිපිරීමක් සිදුව ඇති බවට වාර්තාවේ
9.45
කොළඹ ෂැන්ග්‍රිලා සහ සිනමන් ග්‍රෑන්ඩ් හෝටලයේ 3 වන මහලේද පිපිරීම් ඇතිව තිබෙන අතර මඩකලපුවේ දේවස්ථානෙයකද පිපිරීම් සිදුව ඇති බවට වාර්තාවේ.
9.15
අද (21) ඉරිදා උදෑසන කොච්චිකඩේ ශාන්ත අන්තෝනි දේවස්ථානයේ ඇතිවූ පිපිරීමකින් පුද්ලයින් රැසක් මියගොස් ඇතැයි වාර්තාවේ. එසේම මීගමුව කටුවාපිටිය ශාන්ත සෙබෙස්තියන් දේවස්ථානයේද 
පිපිරීමක් සිදුව ඇත. පිපිරීමෙන් සිදුවූ හානි තවම වාර්තා නොවේ.
තුවාල කරුවන් ජාතික රෝහලට රැගෙන එමින් සිටී.
මෙම දේවස්ථාන දෙකෙහි අද පාස්කු ඉරිදා දේවමෙහෙයන් සිදුවන අතරතුර මෙම පිපිරීම් වාර්තාවී ඇත.
කොළඹ තවත් ස්ථාන වල බෝම්බ පිපිරීම් ඇතිවන බවට ආරංචි පැතිර තිබෙන අතර වැඩි විස්තර බලාපොරොත්තුවන්න

kocchikade

katana

2019 Bomb Attack (1)2019 Bomb Attack (2)